| Lokið |
Framvinda verkefnisins
Nýsköpunargeta opinberra vinnustaða er grundvöllur þess að hægt sé að bregðast við samfélagslegum breytingum og áskorunum nútímans líkt og loftslagsbreytingum. Þá er mikilvægt að hvetja stöðugt til nýsköpunar til þess að stuðla að skilvirkari og bættri opinberri þjónustu í takti við þarfir notenda.
Gerð hefur verið könnun á stöðu nýsköpunar hjá hinu opinbera, Nýsköpunarvogin. Þá hafa verið haldnir viðburðir til að hvetja til nýsköpunar á vegum ráðuneytisins, t.d. Nýsköpunardag hins opinbera og Nýsköpunarmótið. Í júní 2019 opnaði fjármála- og efnahagsráðherra nýja vefsíðu, www.opinbernyskopun.island.is sem er upplýsingaveita fyrir opinbera aðila um nýsköpun. Gerð hefur verið aðgerðaráætlun til að auka notkun nýskapandi lausna hjá hinu opinbera. Í nýrri innkaupastefnu er einnig sérstaklega horft til loftslagsmarkmiða en stefnan er unnin í nánu samstarfi við umhverfis- og auðlindaráðuneytið.
Ábyrgð
Fjármála- og efnahagsráðuneytið
Samstarfsráðuneyti
Forsætisráðuneytið, félagsmálaráðuneytið, atvinnuvega- og nýsköpunarráðuneytið, umhverfis- og auðlindaráðuneytið og önnur ráðuneyti.Kafli
Nýsköpun og rannsóknir