| Lokið |
Framvinda verkefnisins
Þingsályktun um menntastefnu til 2030 samþykkt á Alþingi. Í henni er fjallað um mikilvæg umbótaverkefni sem snerta öll skólastig og byggja á samráði og fjölþættri greiningarvinnu. Unnið er að fyrstu aðgerðaáætlun hennar sem kynnt verður haustið 2021. Meðal þess sem er þegar komið til framkvæmda er áætlun um endurskoðun greinasviða aðalnámskrár grunnskóla, undirbúningur að nýju námsmatsfyrirkomulagi fyrir grunnskóla, aukin áhersla á snemmtæka íhlutun og framboð námsefnis fyrir leikskóla, stöðumat fyrir nemendur af erlendum uppruna, og nýtt skólaþróunarteymi sem styðja mun við innleiðingu nýrrar menntastefnu. Stofnuð hafa verið fagráð í íslensku, stærðfræði og náttúruvísindum til að efla kennslu í viðkomandi greinum og auka samfellu kennslunnar milli skólastiga. Ný lög voru sett um menntun, hæfni og ráðningu kennara og skólastjórnenda og starfstækifærum fjölgað með einföldun leyfisbréfakerfis. Aðgerðir sem miða að fjölgun starfandi kennara hófust haustið 2019, þar á meðal launað starfsnám, hvatningarstyrkir og eflingu náms í starfstengdri leiðsögn, og hafa skilað góðum árangri með fjölgun umsókna um kennaranám. Ný starfsþróunarnámskeið fyrir kennara, stjórnendur og annað fagfólk innan skólasamfélagsins hófust veturinn 2021 í nafni Menntafléttu, í samstarfi við Menntavísindasvið HÍ, Háskólinn á Akureyri og Kennarasamband Íslands.Ábyrgð
Mennta- og menningarmálaráðuneytið
Kafli
Sterkt samfélag