Stök aðgerð

Verkefni

Byggðar verða nýjar höfuðstöðvar fyrir Tækniskólann í Hafnarfirði og unnið að eflingu iðn- og verknáms um land allt.

Ráðuneyti

Mennta- og barnamálaráðuneytið

Kafli

Menntamál

Framvinda

Stjórnvöld, Hafnafjarðarbær og Tækniskólinn hafa undirritað skuldbindandi samkomulag um að nýr Tækniskóli rísi við Flensborgarhöfn í Hafnarfirði. Þá hefur verið undirritaður samningur við sveitarfélögin við Eyjafjörð um allt að 1500 fermetra viðbyggingu fyrir verk- og starfsnám við Verkmenntaskólann á Akureyri. Allt að 1.900 fermetra stækkun verk- og starfsnámsaðstöðu við Fjölbrautaskóla Suðurnesja í Reykjanesbæ mun rísa á næstu árum samkvæmt samningi milli mennta- og barnamálaráðuneytisins og sveitarfélaga á Suðurnesjum. Mennta- og barnamálaráðuneytið og sveitarfélög á Norðurlandi vestra hafa skrifað undir samning um allt að 1.400 fermetra stækkun á verk- og starfsnámsaðstöðu Fjölbrautaskóla Norðurlands vestra á Sauðárkróki og samkvæmt samningi ríkis og sveitarfélaga á Vestfjörðum mun starfsnámsaðstaða við Menntaskólann á Ísafirði stækka um allt að 1000 fermetra. Í framhaldi af þessum samningum verður farið í að bjóða verkefnin út. Auk pípulagningardeildar við Borgarholtsskóla hefur FS einnig tekið í notkun bráðabirgðaaðstöðu fyrir pípulagnir. Starfshópur vinnu að gerð framkvæmdaráætlunar um uppbyggingu við Garðyrkjuskólann að Reykjum. Síðar á þessu ári hefst vinna við gerð frummatsskýrslna um stækkun Verkmenntaskóla Austurlands, Fjölbrautaskóla Suðurlands og Borgarholtsskóla með það að markmiði að framkvæmdir geti hafist á næsta ári.

Staða verkefnis

Komið vel á veg

Til baka

Hafa samband

Ábending / fyrirspurn