Stök aðgerð

Verkefni

Skoðuð verða áhrif loftslags- og tæknibreytinga á íslenskan vinnumarkað og settar fram tillögur um viðbrögð og aðgerðir til að mæta þeim.

Ráðuneyti

Félags- og vinnumarkaðsráðuneytið

Kafli

Vinnumarkaðsmál

Framvinda

Aðilar vinnumarkaðarins á Norðurlöndunum undir forystu félags- og vinnumarkaðsráðuneytis stóðu fyrir norrænni ráðstefnu 1. desember 2023 um réttlát græn umskipti á vinnumarkaði. Ráðstefnan var vettvangur samtals milli aðila vinnumarkaðarins á Norðurlöndunum og norrænna vinnumarkaðsráðherra. Til grundvallar samtalinu lá viljayfirlýsing þar sem lögð er áhersla á mikilvægi þess að horfa til tækifæra og áskorana grænna umskipta til að tryggja að þau verði réttlát og treysti hin sameiginlegu gildi á norrænum vinnumarkaði. Áfram verður unnið með aðilum vinnumarkaðarins að því að tryggja réttlát græn umskipti á vinnumarkaði fyrir öll. Þann 1. janúar 2024 tóku gildi breytingar á reglugerð sem fela í sér fyrstu hækkanir í átta ár á uppbótum og styrkjum til bifreiðakaupa fyrir hreyfihamlað fólk auk þess sem hægt er að sækja um styrk til Orkusjóðs vegna sérútbúinna hreinna rafbíla fyrir hreyfihamlaða án þess hámark sé á kaupverði þeirra.

Staða verkefnis

Hafið

Til baka

Hafa samband

Ábending / fyrirspurn