Verkefni
Almannaþjónustan verður efld frekar og skattar lækkaðir í samræmi við þróun ríkisfjármála með það að markmiði að bæta lífskjör þeirra sem verst standa og styrkja samkeppnisstöðu fyrirtækja, þar sem m.a. verður sérstaklega litið til lítilla og meðalstórra fyrirtækja.
Ráðuneyti
Fjármála- og efnahagsráðuneytiðKafli
Efnahagur og ríkisfjármál
Framvinda
Um er að ræða margar aðgerðir sem munu koma fram í fjármálaáætlunum og lagasetningu allt kjörtímabilið eftir því hvernig staða ríkisfjármála þróast. Til að greiða fyrir langtímakjarasamningum á vinnumarkaði í mars 2024 lýstu ríkisstjórnin og Samband íslenskra sveitarfélaga yfir vilja til að vinna að aðgerðum sem styddu við sameiginleg markmið stjórnvalda og samningsaðila um að leggja grundvöll að bættum lífskjörum og kaupmætti launafólks og stuðla að lækkun verðbólgu og vaxta. Aðgerðirnar sem margar hverjar hafa nú þegar verið lögfestar og koma til framkvæmda á næstu mánuðum snúa að ýmsum efnahags- og kjaramálum sem styðja við lífskjör launafólks með sérstakri áherslu á húsnæðisuppbyggingu, húsnæðisstuðning og málefni barnafjölskyldna. Má þar nefna hækkun barnabóta og dregið er úr skerðingum í kerfinu, sértækan vaxtastuðning á árinu 2024 og hækkun húsnæðisbóta til leigjenda, hækkun hámarksgreiðslu úr Fæðingarorlofssjóði á næstu tveimur árum og unnið verður að því að gera skólamáltíðir grunnskólabarna gjaldfrjálsar frá og með næsta hausti.Staða verkefnis
Komið vel á vegViðvarandi verkefni