Framvinda verkefnisins

 Um er að ræða mjög víðtækt verkefni sem kallar á samstarf bæði viðkomandi stofnana og hagsmunaaðila á borð við aðila vinnumarkaðarins. Fyrir liggja skýrslur ýmissa starfshópa s.s. skattrannsóknir og skatteftirlit, skýrsla um milliverðlagningu og faktúrufölsun, skýrsla um skattskyldu af erlendri ferðaþjónustustarfsemi á Íslandi o.fl. Með lögum nr. 77/2018 var stigið gott skref í þá átt að innleiða aðgerðir gegn skattundanskotum en sífellt þarf að vera á varðbergi gegn nýjum leiðum til skattundanskota og síbreytilegri flóru efnahagsstarfseminnar.

Lög samþykkt júni 2018 vegna aðgerða gegn skattundanskotum og skattsvikum (hert skatteftirlit og skattrannsóknir, aukin upplýsingaöflun o.fl.). Hækkun framlaga síðustu ára til Skattsins og Skattrannsóknastjóra endurspeglar stóraukna áherslu á verkefni stofnanna einkum í málum sem lúta að skilvirkni og árangri við rannsóknir skattalagabrota, bættum skilum, réttri álagningu, sem og aðgerðir sem miða að því að koma í veg fyrir skattundanskot. Fyrir Alþingi liggur frumvarp um breytingu á rannsókn og saksókn í skattalagabrotum. Í því eru lagðar til breytingar á efnisreglum, stofnanauppbyggingu og samstarfi aðila. Viðvarandi verkefni. 

Ábyrgð

Fjármála- og efnahagsráðuneytið

Kafli

Þróttmikið efnahagslíf