Framvinda verkefnisins

Markmið

Unnin verður greining á hvaða byggðir eru sjávarbyggðir og kennistærðir til að flokka þær. Ennfremur verða skilgreindar og farið í aðgerðir sem þykja vinna að því að efla þær og tryggja afkomuöryggi þeirra.

Staða

Byggðastofnun vann fyrir samgöngu- og sveitarstjórnarráðuneytið skilgreiningu á sjávarbyggðum og leitaðist við að skoða hvaða aðgerðir ynnu sem best að því að efla þær. Í fjölmörgum af aðgerðum byggðaáætlunar er unnið að því að efla hinar dreifðu sjávarbyggðir og viðhalda fjölbreytni í vaxtarmöguleikum til að tryggja afkomuöryggi þeirra. Má þar nefna almennar aðgerðir eins og stuðning við uppbyggingu fjarskiptainnviða, stuðning við verslun í strjálbýli, störf án staðsetningar, jöfnun orkukostnaðar og jöfnun aðgengis að opinberri þjónustu. 

Þá lagði sjávarútvegs- og landbúnaðarráðherra fyrir Alþingi frumvarp um breytingu á lögum um stjórn fiskveiða sem er ætlað að skapa skýrari lagalegan grundvöll fyrir meðferð og ráðstöfun þeirra aflaheimilda sem ríkið hefur til ráðstöfunar árlega til að efla atvinnu og byggðir og skilgreina betur tilgang og markmið úthlutunarinnar. Einnig að betur yrði tryggt að nýting umræddra aflaheimilda stuðli að byggðafestu og nýliðun í greininni og jafnframt að verðmæti þeirra aflaheimilda sem ríkið hefur forræði yfir yrði sem mest.  

• Minnisblað Byggðastofnunar um stöðu sjávarbyggða
• Frumvarp til laga um breytingu á lögum um stjórn fiskveiða (atvinnu- og byggðakvótar o.fl.)

Ábyrgð

Samgöngu- og sveitarstjórnarráðuneytið

Atvinnuvega- og nýsköpunarráðuneytið

Samstarfsráðuneyti

Kafli

Þróttmikið efnahagslíf