Framvinda verkefnisins

Árið 2020 var komið á sérstökum viðbótarstyrk til lágtekjuhópa við frístundastyrk sveitarfélaganna til þess að jafna frekar tækifæri barna til þátttöku í frístunda- og menningarstarfi. Stýrihópur starfandi um verkefnið frá janúar 2021 undir forystu félagsmálaráðuneytisins með fulltrúm félagsmálaráðuneytisins, mennta- og menningarmálaráðuneytisins, Íþróttasambands Íslands (ÍSÍ), Ungmennafélags Íslands (UMFÍ) og Íþróttasambandi fatlaðra (ÍF). Einnig hafa verið gerðir samningar um styrki til ÍSÍ, UMFÍ og ÍF þar sem samböndin eru skuldbundin til að starfa saman í að bæta móttökur, aðgengi o.fl. fyrir börn að starfi á þeirra vegum. Sérstaklega er einblínt á þau börn sem síður hafa verið að stunda frístundastarf, en í framkvæmdaáætlun um málefni innflytjenda er markmið B.6. að auka þátttöku barna og ungmenna af erlendum uppruna í skipulögðu íþrótta- og æskulýðsstarfi sem og öðru tómstundastarfi og draga úr brotthvarfi þeirra úr slíku starfi.

Stýrihópur starfar fram á haust 2021 og vinnur skýrslu um afdrif verkefnis um styrkveitingar til tekjulágra og samstarfsverkefni ÍSÍ, UMFÍ og ÍF. Í framhaldi af skýrslu verða teknar ákvarðanir um með hvaða hætti næstu skref verða stigin, en um viðvarandi verkefni er að ræða eftir það.

Ábyrgð

Félagsmálaráðuneytið

Samstarfsráðuneyti

Kafli

Jöfn tækifæri