Ættleiðingarnefnd

Ættleiðingarnefnd er skipuð skv. 17. gr. ættleiðingarlaga nr. 130/1999.

Í greinargerð ættleiðingarlaga kemur fram að verksvið nefndarinnar sé að veita sérfræðilega umsögn varðandi umsóknir, sem dómsmálaráðuneytið óskar álits um, einkum að því er varðar hæfi umsækjenda eða aðstæður þeirra til að ættleiða barn, eftir að lögboðin umsögn viðkomandi barnaverndarnefndar hefur borist ráðuneytinu. Þá er jafnframt tekið fram í greinargerðinni að gert sé ráð fyrir því, að stjórnvaldsreglur verði settar um störf og starfsháttu nefndarinnar. Fela megi henni fleiri verkefni, t.d. að standa fyrir rannsóknum á högum kjörbarna og ýmislegt annað, sem ættleiðingar varðar, svo sem framkvæmd ættleiðingarmála hér á landi og t.d. um ættleiðingar erlendra barna.

Nefndarmenn eru skipaðir til fjögurra ára. Eftirtalin eiga sæti í nefndinni:

• Hrefna Friðriksdóttir, dósent og jafnframt formaður nefndarinnar
  Varamaður: Vigdís Häsler, lögfræðingur og jafnframt varaformaður nefndarinnar ,
• Páll Matthíasson geðlæknir
  Varamaður: Unnur Steina Björnsdóttir læknir
• Jóhann Loftsson sálfræðingur ,
  Varamaður: Wilhelm Norðfjörð sálfræðingur