Að lifa með veirunni - dagskrá samráðsfundar 20. ágúst

- Útsendingarsíða: Beint streymi

Heilbrigðisráðherra í samvinnu við forsætis- og dómsmálaráðuneytið efnir til samráðsfundar í formi vinnustofu fimmtudaginn 20. ágúst um áframhaldandi aðgerðir vegna Covid-19 til lengri tíma litið. Efnt er til samráðsins í samræmi við tillögu sóttvarnalæknis.

Streymt verður beint frá fundinum sem markar upphaf samráðsins en afraksturinn verður birtur í samráðsgátt stjórnvalda. Markmiðið er að stilla saman strengi og móta áherslur og leiðarljós sem geti nýst í áframhaldandi vinnu við mótun aðgerða vegna Covid-19 á næstu misserum. Við vitum ekki hve lengi kórónaveiran verður áhrifavaldur í samfélaginu og verðum að búa okkur undir að lifa með henni til lengri tíma. Því er víðtækt samráð sem þetta mikilvægt.

Vegna sóttvarna er fjölda þátttakenda á fundinum þröngur stakkur skorinn. Til að gefa sem flestum kost á að fylgjast með verður streymt beint frá fundinum á vef Stjórnarráðsins og einnig mun RÚV sýna beint frá fundinum á RÚV 2.

Nánari upplýsingar um efni og markmið fundarins má lesa um í blaðagrein Svandísar Svavarsdóttur heilbrigðisráðherra Samtal um leiðarljós sem birt var í gær.

Samráðsfundur á Hótel Hilton Nordica 20. ágúst kl. 9-13 
Fundarstjóri: Bergur Ebbi Benediktsson rithöfundur 
Verkefnistjóri: Guðrún Björg Sigurbjörnsdóttir (Landspítala)

Dagskrá