Nr. 051, 04. júní 1999 Varafastafulltrúi Íslands hjá Evrópuráðinu viðstaddur réttarhöldin yfir Abdullah Öcalan
![]() |
![]() |
FRÉTTATILKYNNING
frá utanríkisráðuneytinu
________
Nr. 051
Varafastafulltrúi Íslands hjá Evrópuráðinu, dr. Magnús K. Hannesson, var í dag viðstaddur réttarhöldin yfir Abdullah Öcalan á eyjunni Imrali utan við Tyrkland. Aðgangur að réttarhöldunum er mjög takmarkaður en Ísland sem nú gegnir formennsku í ráðherranefnd Evrópuráðsins hefur fengið leyfi til að fylgjast með rekstri málsins á tilteknum dögum í samræmi við úthlutun tyrkneska dómstólsins. Unnið hefur verið að málinu í náinni samvinnu við tyrknesk stjórnvöld.
Þingmenn frá þingmannasamkomu Evrópuráðsins fylgjast einnig náið með réttarhöldunum.
Utanríkisráðuneytið
Reykjavík, 4. júní 1999.