Sjávarútvegsráðherra Rússlands, Nikolay A. Érmakov í opinberri heimsókn. 19.08.99
Fréttatilkynning
Sjávarútvegsráðherra Rússlands, Nikolay A. Érmakov í opinberri heimsókn
Sjávarútvegsráðherra Rússlands Nikolay A. Érmakov er væntanlegur til landsins í kvöld í opinbera heimsókn í boði Árna M. Mathiesen sjávarútvegsráðherra ásamt sendinefnd.
Ráðherrarnir funda m.a. um veiðar Íslendinga í Barentshafi og annað er lýtur að framkvæmd nýgerðs samnings milli Íslands, Noregs og Rússlands. Auk þess munu ráðherrarnir ræða samstarf á alþjóðavettvangi, þ.á.m. varðandi fiskstofna sem bæði ríkin nýta. Érmakov mun einnig hitta Davíð Oddsson forsætisráðherra og Halldór Ásgrímsson utanríkisráðherra. Þá mun sendinefndin kynna sér íslenskan sjávarútveg og fyrirtæki tengd sjávarútvegi. Í því skyni mun sendinefndin kynna sér starfsemi ÚA, Slippstöðvarinnar, Háskólans á Akureyri og Trefja í Hafnarfirði auk þess að hitta fulltrúa nokkurra fyrirtækja og stofnana.
Sjávarútvegsráðuneytið
19. ágúst 1999
19. ágúst 1999