Árleg athugun eftirlitsnefndar árið 2000

Í kjölfar árlegrar athugunar eftirlitsnefndar á reikningsskilum sveitarfélaga árið 2000 voru samtals 20 sveitarfélögum send bréf þar sem óskað var eftir að nefndinni verði gerð grein fyrir því hvernig þróunin hefur orðið í fjármálum viðkomandi sveitarfélags á árinu 1999 og hvernig sveitarstjórnin hyggst bregðast við fjárhagsvanda sveitarfélagsins, m.a. við gerð fjárhagsáætlunar fyrir árið 2000 og þriggja ára áætlunar sveitarfélagsins.

Við hina árlega skoðun á reikningsskilum sveitarfélaga var að mati nefndarinnar talin ástæða til að senda eftirfarandi sveitarfélögum bréf í upphafi ársins 2000:

Greinargerðir ásamt ársreikningum fyrir árið 1999, fjárhagsáætlunum 2000 og þriggja ára áætlunum sveitarfélaganna bárust nefndinni frá þessum sveitarfélögum að ósk hennar. Hjá nefndinni hefur farið fram ítarleg skoðun á fjárhagsstöðu sveitarfélaganna á grundvelli framangreindra gagna og var óskað eftir frekari upplýsingum taldi eftirlitsnefndin það nauðsynlegt.

Til sérstakrar skoðunar eru þau þrjú sveitarfélög á Vestfjörðum sem fram koma í listanum hér að ofan. Lausn á fjárhagsvanda þeirra tengist víðtækari aðgerðum sem nú er unnið að og eru þau því enn til umfjöllunar í nefndinni.

Að öðru leyti hefur eftirlitsnefndin afgreitt málefni sveitarfélaganna þannig:

- Bréf voru send til sjö sveitarfélaga þar sem óskað var eftir að sveitarfélögin upplýstu nefndina með hvaða hætti þau hyggðust ná tilteknum árangri í rekstrinum sem nefndin taldi nauðsynlegt að þau næðu. Að öðru leyti taldi nefndin ekki ástæðu til frekari afskipta.

- Frá þeim 10 sveitarfélögum sem eftir standa var frekari upplýsinga aflað. Það var gert á fundum með fulltrúum sveitarfélaganna til að öðlast frekari innsýn í rekstur viðkomandi sveitarfélaga og áform sveitarstjórnar um að bæta fjárhagsstöðu þess.