Tóbaksvarnir í skólum

Til grunnskóla og framhaldsskóla
og ýmissa stofnana og samtaka

Í tóbaksvarnalögum nr. 74/1984 segir m.a. að menntamálaráðuneytið skuli í samráði við heilbrigðis- og tryggingamálaráðuneytið sjá til þess að fram fari reglubundin fræðsla í skólum landsins í því skyni að draga úr tóbaksneyslu.

Menntamálaráðuneytið vill með bréfi þessu vekja sérstaka athygli grunn- og framhaldsskóla á þessum lagaákvæðum og þeim markmiðum aðalnámskráa grunn- og framhaldsskóla sem taka til tóbaksvarna og annarra fíknivarna. Skólum stendur til boða námsefni sem sérstaklega er samið með forvarnir í huga. Er hér bæði um að ræða námsefni sem Námsgagnastofnun hefur látið semja og einnig efni sem Tóbaksvarnanefnd og Krabbameinsfélag Reykjavíkur hafa látið gera um tóbaksvarnir.