Nýr aðstoðarmaður forsætisráðherra

Frétt nr.: 28/2000

Illugi Gunnarsson hefur verið ráðinn aðstoðarmaður forsætisráðherra. Illugi er 33 ára hagfræðingur frá Háskóla Íslands og lauk hann nýverið prófi í rekstrarhagfræði frá London Business School.

Á námsárum sínum sat Illugi í Háskólaráði fyrir hönd stúdenta og í Stúdentaráði sem fulltrúi Vöku - félags lýðræðissinnaðra stúdenta. Einnig hefur hann tekið þátt í starfi ungra sjálfstæðismanna, m.a. sem formaður Heimdallar. Áður en hann hélt til náms í Bretlandi starfaði hann m.a. hjá Háskóla Íslands og Vestfirskum skelfiski á Flateyri.

Sambýliskona Illuga er Brynhildur Einarsdóttir.

Í Reykjavík, 11. desember 2000.