Hoppa yfir valmynd

Haus fyrir smærri skjái

Merki Stjórnarráðs Íslands Stjórnarráð Íslands
12. febrúar 2001 Forsætisráðuneytið

Gjöf Jóns Sigurðssonar

Gjöf Jóns Sigurðssonar, úthlutun

    Frétt nr.: 4/2001
      Sjóðurinn "Gjöf Jóns Sigurðssonar" var stofnaður samkvæmt erfðaskrá Ingibjargar Einarsdóttur, ekkju Jóns Sigurðssonar forseta, dagsettri 12. desember 1879. Alþingi samþykkti reglur um sjóðinn 24. ágúst 1881, og þær voru staðfestar af konungi 27. apríl 1882. – Sjóðurinn veitti um skeið allmörgum fræði- og vísindamönnum viðurkenningu fyrir vel samin rit og styrkti útgáfu þeirra og merkra heimildarrita. Síðar varð sjóðurinn sakir verðbólgu lítils megnugur, en 29. apríl 1974 ákvað Alþingi að efla hann með árlegu framlagi. Í tímanna rás hafa verið gerðar lítils háttar breytingar á reglum um sjóðinn, en hin upphaflegu markmið hafa þó jafnan verið höfð í huga.

      Verðlaunanefnd Gjafar Jóns Sigurðssonar er kosin af Alþingi. Hana skipa nú Ólafur Oddsson, Ragnheiður Sigurjónsdóttir og Magdalena Sigurðardóttir.

      Með auglýsingu verðlaunanefndar Gjafar Jóns Sigurðssonar, dags. 15. júní 2000, var tilkynnt, að samkvæmt reglum um sjóðinn mætti veita fé úr honum að fullnægðum nánar tilgreindum skilyrðum. (Sjá nánar í Morgunblaðinu hinn 17. og 25. júní sl.) – Alls bárust 34 erindi frá 23 aðilum. Verðlaunanefndin hefur ákveðið að úthluta fé sem hér segir:

      1) Aðalgeir Kristjánsson, fyrir ritið: Nú heilsar þér á Hafnarslóð, kr. 300.000.–

      2) Aðalheiður Guðmundsdóttir, vegna útgáfu á: Úlfhams rímum og Úlfhams sögu, kr. 200.000.–

      3) Erna Sverrisdóttir, fyrir ritið: Orð af eldi …, kr. 200.000.–

      4) Guðjón Friðriksson, fyrir þessi verk:
      a) Einar Benediktsson, ævisaga, II.–III. bindi, kr. 200.000.–
      b) Nýjustu fréttir! Saga fjölmiðlunar á Íslandi frá upphafi til vorra daga, kr. 200.000.–

      5) Helgi Guðmundsson og Sumarliði Ísleifsson, fyrir ritið: Með framtíðina að vopni, kr. 200.000.–

      6) Herdís Helgadóttir, vegna ritsins: Konur í hersetnu landi. Ísland á árunum 1940-1947, kr. 200.000.–

      7) Hið íslenska bókmenntafélag (Gunnar H. Ingimundarson), vegna ritsins: Annálar 1400–1800 – Lykilbók I, mannanafnaskrá í samantekt Einars Arnalds og Eiríks Jónssonar, kr. 300.000.–

      8) Jón Viðar Jónsson fyrir:
      a) fræðilega útgáfu á Fjalla-Eyvindi Jóhanns Sigurjónssonar og væntanlega heildar–útgáfu á ljóðum og lausu máli skáldsins, kr. 200.000.–
      b) væntanlega heildarútgáfu á leikritum Guðmundar Steinssonar, kr. 200.000.–

      9) Jón Þ. Þór, vegna þessara rita:
      a) Aldamót og endurreisn, kr. 200.000.–
      b) væntanleg ævisaga dr. Valtýs Guðmundssonar, kr. 200.000.–.

      10) Kristrún Heimisdóttir, vegna ritsins: Athugun á fullveldi Íslands, kr. 200.000.–

      11) Páll Valsson, vegna þessara rita:
      a) Jónas Hallgrímsson, ævisaga, kr. 300.000.–
      b) væntanleg ævisaga Bjarna Thorarensens, kr. 200.000.–

      12) Sigrún Pálsdóttir, vegna ritsins: Icelandic Culture in English Thought, kr. 300.000.–

      13) Sigrún Sigurðardóttir, fyrir ritið: Elskuleg móðir mín …, kr. 200.000.–

      14) Svanhildur Óskarsdóttir, vegna ritsins: Universal history in fourteenth century Iceland: Studies in AM 764 4to, kr. 300.000.–

      15) Sögufélagið (Helgi Skúli Kjartansson og Guðmundur Jónsson), vegna útgáfu yfirlitsrits um sögu Íslands á 20. öld. Að ritinu vinna auk Helga og Guðmundar þeir Eggert Þór Bernharðsson, Guðjón Friðriksson og Gunnar Karlsson. kr. 400.000.–

      16) Þorvaldur Gylfason, fyrir ritið: Viðskiptin efla alla dáð, kr. 200.000.–

      17) Ættfræðifélagið (Ólafur H. Óskarsson), vegna ritsins: Manntal 1910 V–VI Reykjavík, kr. 300.000.–


      Í forsætisráðuneytinu, 12. febrúar, 2001.


      Hafa samband

      Ábending / fyrirspurn
      Ruslvörn
      Vinsamlegast svaraðu í tölustöfum

      Ef um er að ræða áríðandi erindi til borgaraþjónustu utanríkisráðuneytisins þá skal senda póst á [email protected]

      Upplýsingar um netföng, símanúmer og staðsetningu ráðuneyta