Nr. 11/2001. Fjármálaráðherra í Brussel

Fréttatilkynning
Nr. 11/2001


Fjármálaráðherra, Geir H. Haarde, fer síðdegis í dag til Brussel í tveggja daga heimsókn. Þar mun ráðherrann eiga fund með fjármálaráðherra Belgíu, Didier Reynders, sem jafnframt er formaður svokallaðs "Evru-hóps" tólf þjóða innan Evrópusambandsins. Fjármálaráðherra mun einnig eiga fundi með tveimur framkvæmdastjórum ESB, Spánverjanum Solbes Mira sem fer með efnahags- og peningamál innan framkvæmdastjórnarinnar og Hollendingnum Frederik Bolkestein sem fer með skattamál.
Nánari upplýsingar veitir Ragnheiður Árnadóttir, aðstoðarmaður ráðherra, í síma 862-0028.