Leyfilegur heildarafli á fiskveiðiárinu 2001/2002
Fréttatilkynning |
![]() |
Leyfilegur heildarafli
á fiskveiðiárinu 2001/2002.
á fiskveiðiárinu 2001/2002.
Ráðuneytið hefur í dag gefið út reglugerð um leyfilegan heildarafla á fiskveiðiárinu 2001/2002. Fyrir fiskveiðiárið er leyfilegur heildarafli sem hér segir:
- Tegund Lestir
Þorskur 190.000
Ýsa 30.000
Ufsi 30.000
Karfi 65.000
Grálúða 20.000
Skarkoli 4.000
Langlúra 1.350
Sandkoli 3.000
Skrápflúra 5.000
Þykkvalúra 1.400
Síld 125.000
Úthafsrækja 17.000
Humar 1.500
Hörpudiskur 6.500
Innfjarðarækja 1.400
Ákvörðun um leyfilegan heildarafla í innfjarðarækju og hörpudiski verður endurskoðuð að fengnum nýjum tillögum Hafrannsóknastofnunarinnar. Þá er gert ráð fyrir að leyfilegur heildarafli loðnu verði 1.050 þús. lestir á fiskveiðiárinu og af því magni koma um 850 þús. lestir í hlut Íslands.
Aflareglu er beitt hvað varðar þorsk síld og loðnu. Í samræmi við tillögur Hafrannsóknastofnunar er aukið við leyfilegan hámarksafla úr stofni íslensku sumargotsíldarinnar. Þá er aukið 300 tonn við í humri, hámarksaflinn verður 1500 tonn, stofninn er nú metin 16% stærri en í síðustu skýrslu. Ennfremur hefur verið ákveðið að bæta 200 tonnum við leyfilegan hámarksafla humars á þessu fiskveiðiári á grundvelli batnandi ástands stofnsins.
Í þorskígildum fela tillögurnar í sér 5.3% samdrátt, en ef miðað er við verðmæti útflutnings er samdrátturinn heldur minni eða um 4%. Tekjutap þjóðarbúsins vegna samdráttarins er talið nema tæplega þremur milljörðum króna.
Hafrannsóknarstofnunin leggur til að keila og langa verði settar í kvóta þ.e. að hámark sé sett á leyfilegan afla úr þessum tegundum. Sjávarútvegsráðherra telur ekki ástæðu til að verða við því nú. Stofnunin leggur til að steinbítskvóti verði 13.000 tonn, eins og á síðasta ári en sjávarútvegsráðherra hefur ákveðið að steinbítur verði utan kvóta næsta fiskveiðiár. Vísbendingar eru um góða nýliðun stofnsins á komandi árum. Sókn krókabáta í þessar tegundir hefur verið frjáls og aðrir útgerðarflokkar ekki veitt allan sinn hlut undanfarin ár. Því má ætla að 1700 tonn af þeim steinbít sem Hafrannsóknarstofnun telur óhætt að veiða á næsta fiskveiðiári náist ekki, ef sókn smábáta í hann verður takmörkuð. Með því að setja steinbít utan kvóta er þess jafnframt freistað að koma á móts við hagsmuni hinna dreifðu byggða landsins.
Sjávarútvegsráðuneytið
5.júní 2001
5.júní 2001