Nr. 060, 26.05.2001 Fundur ráðherranefndar Evrópska efnahagssvæðisins í Lúxemborg 25. júní 2001
FRÉTTATILKYNNING
frá utanríkisráðuneytinu
________
Nr. 060
Halldór Ásgrímsson, utanríkisráðherra, sat fund ráðherraráðs Evrópska efnahagssvæðisins í Lúxemborg 25. júní sl., ásamt utanríkisráðherrum Liechtenstein og Noregs. Af hálfu Evrópusambandsins sátu fundinn m.a. utanríkisráðherra Svíþjóðar sem fulltrúi formennskuríkisins og yfirmaður utanríkismáladeildar framkvæmdastjórnarinnar Chris Patten.
Í aðdraganda fundarins áttu sér stað pólitísk skoðanaskipti þar sem fjallað var um Atlantshafstengslin, þ.e. samskipti Evrópuríkja og Bandaríkjanna, og samskiptin við Rússland, einkum með hliðsjón af svonefndri Norðlægri vídd ESB. Á fundinum var síðan fjallað um framkvæmd EES-samningsins með hliðsjón af þróun mála innan ESB, m.a. fyrirhugaðri fjölgun aðildarríkja. Af hálfu EFTA/EES-ríkjanna var lögð áhersla á nauðsyn þess að flýta samráði um samhliða stækkun EES.
Loks fór fram kynningarumræða um umhverfismál og sjálfbæra þróun, en það var eitt helsta viðfangsefni nýlegs leiðtogafundar ESB í Gautaborg. Þar kynnti utanríkisráðherra áherslur íslenskra stjórnvalda við undirbúning umhverfisráðstefnu S.þ. í Jóhannesarborg árið 2002 og hvað varðar ráðstefnu sem haldin verður í Reykjavík í október n.k. í samstarfi við Matvælastofnun S.þ. (FAO) með stuðningi norskra stjórnvalda, þar sem fjallað verður um fiskveiðistjórnun sem lið í sjálfbærri þróun.
Að fundinum loknum var haldinn vinnukvöldverður utanríkisráðherra EFTA/EES-ríkjanna þar sem sjónum var aðallega beint að stöðu EES-samstarfsins.
Ályktanir fundar ráðherraráðsins eru hjálagðar.
Utanríkisráðuneytið
Reykjavík, 26. júní 2001.
