Páll Pétursson félagsmálaráðherra opnar nýtt sambýli í Grindavík
Þann 1. ágúst sl. opnaði Páll Pétursson félagsmálaráðherra nýtt sambýli í Grindavík. Sambýlið er tvískipt, tengt með sameiginlegu þjónusturými. Annars vegar er um að ræða þrjár þjónustuíbúðir með liðveislu og hins vegar sambýli fyrir þrjá einstaklinga með sólarhringsþjónustu. Grindavíkurbær er eigandi húsnæðisins sem Svæðisskrifstofa málefna fatlaðra á Reykjanesi leigir svo af sveitarfélaginu.