Skýrsla GRECO

Skýrsla GRECO, ríkjahóps Evrópuráðsins um aðgerðir til spillingu, um stöðu mála varðandi spillingu á Íslandi var samþykkt á fundi GRECO í Strasbourg 14. september sl. Skýrslan var gerð í kjölfar heimsóknar úttektarnefndar á vegum GRECO hingað til lands 2. –4. maí sl. og ræddi hún við yfirmenn og aðra fulltrúa fjölda stofnana sem vinna að aðgerðum gegn spillingu. Þessar stofnanir voru: dómsmálaráðuneytið, embætti ríkissaksóknara, viðskiptaráðuneytið, ríkislögreglustjórinn, ríkisendurskoðun, Alþingi, umboðsmaður Alþingis, samkeppnisstofnun, Blaðamannafélag Íslands, Ríkisféhirðir, Samtök atvinnurekenda, fjármálaeftirlitið og Verslunarráð. Dagana 10.-14. september 2001 var skýrslan tekin fyrir á fundi fulltrúa GRECO í Strasbourg og mætti þá íslensk sendinefnd til andsvara um efni skýrslunnar með fulltrúum dómsmálaráðuneytis, viðskiptaráðuneytis og ríkissaksóknara.

Niðurstöður úttektarnefndar GRECO í skýrslunni um stöðu mála á Íslandi eru jákvæðar og telur nefndin að spilling á Íslandi sé með þeirri minnstu sem þekkist í Evrópu. Fjöldi stofnana vinni að aðgerðum gegn spillingu, íslenska þjóðfélagið sé gegnsætt og litlar líkur á því að spilling geti þrifist við þær aðstæður. Lýst er því viðhorfi íslenskra stjórnvalda að spilling sé ekki meiriháttar vandamál í þjóðfélaginu, en þau séu meðvituð um að hætta á spillingu sé alltaf fyrir hendi Niðurstaða GRECO nefndarinnar var að samþykkja þrenn tilmæli (recommendations) til íslenskra stjórnvalda varðandi aðgerðir til að sporna við spillingu, en þau voru eftirfarandi:

Meðfylgjandi er þýðing úr ensku (Word skjal) á þeim hluta skýrslunnar þar sem fjallað er um greiningu á stöðu mála varðandi spillingu hér á landi og niðurstöður nefndarinnar. Skýrslan er birt í heild sinni (Word skjal) á ensku á heimasíðu dómsmálaráðuneytisins, domsmalaraduneyti.is.