Evrópskt tungumálaár - skólar hvattir til þátttöku
Til skólastjóra grunnskóla
Skólar hvattir til þátttöku
Í tilefni af Evrópsku tungumálaári 2001 hafa Mjólkursamsalan, Samtök móðurmálskennara og Íslensk málnefnd ákveðið að efna til samkeppni meðal nemenda í efstu bekkjum grunnskóla um örsögur og ljóð til birtingar á mjólkurumbúðum. Sérstakur verndari keppninnar og formaður dómnefndar er frú Vigdís Finnbogadóttir, velgjörðarsendiherra tungumála hjá UNESCO.
Menntamálaráðuneytið vill með bréfi þessu vekja athygli skólastjóra grunnskóla á þessari keppni og fara þess á leit að þeir hvetji nemendur til þátttöku í henni. Stuðningur skólastjórnenda og kennara við slíka keppni skiptir miklu máli, ef vel á til að takast. Aðstandendur keppninnar hafa sent bréf með upplýsingum um fyrirkomulag og framkvæmd keppninnar til íslenskukennara þeirra grunnskóla sem starfrækja unglingadeildir.
(Október 2001)