Opinber heimsókn utanríkisráðherra til Þýskalands
Nr. 18
FRÉTTATILKYNNING
frá utanríkisráðuneytinu
frá utanríkisráðuneytinu
Halldór Ásgrímsson, utanríkisráðherra, er í opinberri heimsókn í Þýskalandi dagana 12. til 14. mars n.k. Á meðan heimsókninni stendur mun hann eiga fundi með Joschka Fischer, utanríkisráðherra Þýskalands, Hans-Ulrich Klose, formanni utanríkismálanefndar Bundestag, Klaus Wowereit, borgarstjóra Berlínar, Wolfgang Thierse, forseta Bundestag og Dieter Kastrup, ráðgjafa kanslara Þýskalands í öryggis- og utanríkismálum.
Utanríkisráðherra mun fyrir hönd menntamálaráðherra undirrita samning um lektorsstöðu við Humboldtháskólann. Hann mun jafnframt flytja fyrirlestur í Deutsche Gesellschaft für Auswärtige Politik og eiga fund með formanni félagsins Hans Dietrich Genscher, fyrrverandi utanríkisráðherra Þýskalands.
Hjálögð er dagskrá heimsóknarinnar.
Utanríkisráðuneytið
Reykjavík, 13. mars 2002
