Kvótaúthlutun til krókaaflamarksbáta. 09.04.02
Fréttatilkynning
Kvótaúthlutun til krókaflamarksbáta til að efla sjávarbyggðir sem
að verulegu leyti eru háðar veiðum þeirra.
að verulegu leyti eru háðar veiðum þeirra.
Við upphaf þessa fiskveiðiárs, sem hófst 1. september 2001, komu til framkvæmda ákvæði laga nr. 1/1999 um nýja skipan veiða krókabáta. Við það féll niður heimild þorskaflahámarksbáta til frjálsra veiða á ýsu, ufsa og steinbít. Ljóst var að þetta gerði þeim sjávarbyggðum erfitt fyrir sem háðastar eru veiðum smábáta. Til að koma til móts við þessar byggðir voru samþykkt á Alþingi þann 20. desember síðastliðinn lög er heimila sjávarútvegsráðherra að úthluta allt að 1.000 lestum af ýsu, 1000 lestum af steinbít og 300 lestum af ufsa til krókaflamarksbáta sem gerðir eru út frá sjávarbyggðum sem að verulegu leyti eru háðar veiðum slíkra báta.
Við ákvörðun á því hvaða staðir koma til greina eru tvær forsendur lagðar til grundvallar og þurfa byggðarlögin að uppfylla þær báðar:
I. Reiknað er hversu hátt hlutfall úthlutað aflamark krókaaflamarksbáta á fiskveiðiárinu 2001/2002 er af heildarúthlutun allra skipa á viðkomandi stað í þorskígildum talið. Þeir staðir þar sem hlutfallið er 15% eða hærra koma til greina við úthlutunina.
II. Reiknað er hversu hátt hlutfall afli krókaaflamarksbáta á fiskveiðiárinu 2000/2001 er af heildarfiskafla allra skipa sem skráðir voru á viðkomandi stað. Þeir staðir þar sem hlutfallið er 15% eða hærra koma til greina við úthlutunina.
Þá var ákveðið að úthlutað magn til einstakra byggðarlaga skuli miðast við að ekkert byggðarlag hefði úthlutað aflamark í þremur ofantöldum tegundum að viðbættum þorskafla á síðasta fiskveiðiári, sem næmi lægra hlutfalli en 89,4% af heildarafla síðasta fiskveiðiárs. Þó með þeim takmörkunum að ekkert byggðarlag fær hærri úthlutun en 400 þorskígildistonn.
Sömu aðferð var síðan beitt þegar úthlutað var á einstaka báta innan hvers byggðarlags, að hámarki 50 þorskígildistonn á bát.
Alls eru því 11 byggðarlög sem munu fá úthlutun samkæmt ofangreindum skilyrðum og skiptast þau í þorskígildistonnum þannig:
- Tálknafjörður 400 tonn
Bolungarvík 400 tonn
Flateyri 399 tonn
Ólafsvík 173 tonn
Drangsnes 104 tonn
Ísafjörður 102 tonn
Stöðvarfjörður 50 tonn
Sandgerði 36 tonn
Suðureyri 19 tonn
Bakkafjörður 13 tonn
Breiðdalsvík 6 tonn
Taflan hér að neðan sýnir samanburð á veiðum smábáta (þorskaflahámarksbáta) í aukategundum fyrir ofagreind byggðarlög síðastliðin fjögur ár. Eins og sjá má hafa viðbótarúthlutanirnar það í för með sér að þau hafa, þegar á heildina er litið, heimild til að veiða svipaðan afla og fiskveiðiárið 1999/2000.
Heildarafli | 1997/1998 | 1998/1999 | 1999/2000 | 2000/2001 | Samtals króka- aflam. 2001/2002 |
![]() | ![]() | ![]() | ![]() | ![]() | ![]() |
Tálknafjörður | 552 | 935 | 1393 | 1766 | 1119 |
Bolungavík | 757 | 1342 | 1834 | 2057 | 1510 |
Flateyri | 13 | 42 | 345 | 763 | 603 |
Ólafsvík | 251 | 331 | 554 | 856 | 609 |
Drangsnes | 42 | 84 | 99 | 266 | 199 |
Ísafjörður | 162 | 365 | 509 | 697 | 529 |
Stöðvarfjörður | 348 | 337 | 218 | 438 | 354 |
Sandgerði | 499 | 706 | 536 | 704 | 580 |
Suðureyri | 829 | 932 | 1150 | 1189 | 931 |
Bakkafjörður | 54 | 73 | 123 | 168 | 116 |
Breiðdalsvík | 78 | 45 | 21 | 47 | 35 |
![]() | ![]() | ![]() | ![]() | ![]() | ![]() |
Samtals: | 3585 | 5192 | 6782 | 8951 | 6585 |
Sjávaútvegsráðuneytið 9. apríl 2002