Undirbúningshópur sem skipuleggja á átak á Íslandi gegn verslun með konur (mansal)
Sameiginlega átakið hefst með ráðstefnu í Tallinn í Eistlandi dagana 29. - 31. maí næstkomandi með þátttöku umræddra landa og markar sá viðburður upphaf skipulagðrar samvinnu til lengri tíma gegn verslun með konur. Einnig verður efnt til sérstaks átaks í hverju landi þar sem áherslan er lögð á mismunandi þætti vandans allt eftir því hvernig hann horfir við í viðkomandi landi. Hér á Íslandi er skipulagning verkefnisins að hefjast og hefur í því skyni verið settur á laggirnar undirbúningshópur. Fulltrúar frá eftirtöldum aðilum hafa verið tilnefndir í þann hóp: frá utanríkisráðuneyti, Útlendingaeftirliti, Vinnumálastofnun, Ríkislögreglustjóra, Sýslumanninum á Keflavíkurflugvelli, Alþýðusambandi Íslands, Neyðarmóttökunni á Landspítalanum, Kvennaráðgjöfinni, Rauða krossi Íslands, Stígamótum og Kvennaathvarfinu. Fulltrúar félagsmálaráðuneytis og dómsmálaráðuneytis verða verkefnisstjórar, en það eru Ásta S. Helgadóttir og Dís Sigurgeirsdóttir, lögfræðingar. Ritari undirbúningshópsins er Katrín Björg Ríkarðsdóttir, sérfræðingur á Jafnréttisstofu.