Kjörsókn á landinu
Á landinu öllu voru 203.119 manns á kjörskrá og fjöldi þeirra er greiddi atkvæði er 168.657 eins og sjá má á eftirfarandi töflu:
| Kjörsókn á landinu öllu*: | ||
| Á kjörskrá |
203.119 |
100% |
| Greidd atkvæði |
168.657 |
83,0% |
| Þ.a. auðir og ógildir |
3.500 |
1,7% |
| * Í 98 sveitarfélögum, en sjálfkjörið var í sjö sveitarfélögum | ||
Við síðustu sveitarstjórnarkosningar árið 1998 voru 193.492 á kjörskrá og þá greiddu 159.187 manns atkvæði, eða 82,3%, og er því lítill munur á kjörsókn milli áranna 1998 og 2002.
Mest var kjörsókn í Mjóafjarðarhreppi eða 100%. Þar voru 25 manns á kjörskrá og kusu allir, en þar fór fram óbundin kosning.
Minnst var kjörsóknin í Borgarfjarðarhreppi, þar voru 120 á kjörskrá og greiddi 71 atkvæði, eða 59,2%. Næstminnsta kjörsóknin var í Skilmannahreppi eða 63,4%. Þar á eftir kemur Þórshafnarhreppur með nánast sömu kjörsókn eða 63,8%.
Af þeim sveitarfélögum þar sem fram fór listakosning var kjörsókn minnst í Seltjarnarneskaupstað eða 75,6% og mest í Kjósarhreppi eða 95,1%.
Kjörsókn var 90% eða meira í eftirfarandi 16 sveitarfélögum:
Mjóafjarðarhreppi 100%
Kjósarhreppi 95,1%
Ólafsfjarðarbæ 93,4%
Sandgerðisbæ 93,2%
Snæfellsbæ 92,7%
Skútustaðahreppi 92,6%
Grundarfjarðarbæ 92,4%
Vesturbyggð 91,6%
Seyðisfjarðarkaupstað 91,6%
Sveinsstaðahreppi 91,4%
Siglufjarðarkaupstað 91,3%
Sameinaðu sveitarfélagi Rangárvallahrepps, Holta- og Landsveitar og Djúpárhrepps 91,3%
Áshreppi 91,1%
Vestmannaeyjabæ 90,4%
Bolungarvíkurkaupstað 90,3%
Stykkishólmsbæ 90%