12. júlí 2002 Dómsmálaráðuneytið

Laus störf hjá Dóms- og kirkjumálaráðuneytinu

Dóms og kirkjumálaráðuneytið
óskar eftir að ráða í eftirfarandi störf frá 12. ágúst 2002 eða eftir nánara samkomulagi.

Sérfræðingur á rekstrar- og fjármálaskrifstofu
Starfssvið:

Fjárhagslegt eftirlit með stofnunum ráðuneytisins
Fjárhagslegar úttektir og önnur sérverkefni, er tengjast fjármálum
Önnur verkefni, er falla undir rekstrar- og fjármálaskrifstofu

Menntunar- og hæfniskröfur:

Háskólamenntun á sviði viðskipta, hagfræði, rekstrarfræði eða sambærileg menntun
Góð tölvuþekking (Word, Excel)
Sjálfstæði, frumkvæði og skipulögð vinnubrögð

Lögfræðingur á lagaskrifstofu
Starfssvið:

Gerð lagafrumvarpa og reglugerða á sviði ráðuneytisins
Störf í nefndum, sem vinna að löggjafarmálefnum
Önnur verkefni er falla undir lagaskrifstofu

Menntunar- og hæfniskröfur:

Embættispróf í lögfræði
Góð kunnátta í ensku og Norðurlandamáli
Sjálfstæði, frumkvæði og skipulögð vinnubrögð

Sú regla gildir hjá ráðuneytinu og undirstofnunum þess að hafa skal í heiðri jafnrétti kynjanna við ráðningar. Laun greiðast samkvæmt kjarasamningum starfsmanna ríkisins.

Umsóknir með upplýsingum um menntun og starfsferil sendist dóms- og kirkjumálaráðuneytinu, Arnarhvoli, 150 Reykjavík. Umsóknarfrestur er til og með 29. júlí nk. Umsóknir þar sem umsækjandi óskar nafnleyndar verða ekki teknar gildar.

Hafa samband

Ábending / fyrirspurn

Hafa samband

Skilaboðin hafa verið send ráðuneytinu til afgreiðslu.