Ræða varafastafulltrúa hjá Sameinuðu þjóðunum um ofbeldi og misrétti gagnvart konum
Nr. 106
FRÉTTATILKYNNING
frá utanríkisráðuneytinu
frá utanríkisráðuneytinu
Gréta Gunnarsdóttir, varafastafulltrúi Íslands hjá Sameinuðu þjóðunum, hélt í gær ræðu fyrir Íslands hönd í þriðju nefnd allsherjarþingsins, þar sem fjallað er um félags- og mannréttindamál. Í ræðu sinni fjallaði fulltrúi Íslands meðal annars um böl vaxandi ofbeldis gegn konum í heiminum, mansal, launamisrétti og takmarkaða þátttöku kvenna í stjórnmálum.
Í því sambandi vakti hún sérstaka athygli á aðgerðum íslenskra stjórnvalda til að draga úr ofbeldi gegn konum á Íslandi. Ennfremur greindi fulltrúi Íslands frá samstarfi Norðurlanda og Eystrasaltsríkjanna og aðgerðum þeirra til að draga úr mansali.
Ræða varafastafulltrúa Íslands er hjálögð.
Utanríkisráðuneytið
Reykjavík, 11. október 2002
