Prófdagar í 10. bekk grunnskóla vorið 2003
Til skólastjóra grunnskóla og skólanefnda
Prófdagar í 10. bekk grunnskóla vorið 2003
Menntamálaráðherra hefur ákveðið að samræmd lokapróf verði lögð fyrir í sex námsgreinum í 10. bekk vorið 2003, sbr. reglugerð um fyrirkomulag og framkvæmd samræmdra lokaprófa í 10. bekk í grunnskólum nr. 414/2000 og aðalnámskrá grunnskóla frá 1999. Námsgreinar sem prófað verður úr eru: íslenska, danska, enska, náttúrufræði, samfélagsgreinar og stærðfræði. Vakin er athygli á því að vorið 2003 verður í fyrsta skipti prófað í samfélagsgreinum.
Að gefnu tilefni skal tekið fram að samræmd lokapróf eru valfrjáls fyrir nemendur, sbr. 1. og 2. gr. reglugerðar nr. 414/2000. Nemendur hafa val um hvaða samræmd próf þeir velja að þreyta en vakin er athygli á því að samfélagsgreinar og náttúrufræði eru skyldunámsgreinar í grunnskóla og nemendur geta ekki valið sig frá námi í þessum greinum.
Prófgreinar og prófdagar í 10. bekk grunnskóla vorið 2003 verða sem hér segir:
| Íslenska | föstudagur 2. maí | kl. 9.00-12.00 |
| Stærðfræði | mánudagur 5. maí | kl. 9.00-12.00 |
| Enska | þriðjudagur 6. maí | kl. 9.00-12.00 |
| Samfélagsgreinar | fimmtudagur 8. maí | kl. 9.00-12.00 |
| Danska | föstudagur 9. maí | kl. 9.00-12.00 |
| Náttúrufræði | mánudagur 12. maí | kl. 9.00-12.00 |
Ákvörðun um prófdaga samræmdra prófa í 10. bekk vorið 2003 er tekin í samráði við Námsmatsstofnun sem sér um framkvæmd prófanna. Stofnunin sendir síðar nánari leiðbeiningar um framkvæmd prófanna.
(Október 2002)