Breytingar á röð samræmdra lokaprófa í 10. bekk grunnskóla vorið 2003

Til skólastjóra grunnskóla, skólanefnda,
foreldraráða, skólaskrifstofa og ýmissa hagsmunaaðila

Menntamálaráðuneytið vísar til bréfs ráðuneytisins til skólastjóra grunnskóla og skólanefnda frá 6. mars sl. þar sem tilkynnt var um prófgreinar og prófdaga í samræmdum lokaprófum í 10. bekk grunnskóla 2003. Ákvörðun um prófdaga samræmdra prófa í 10. bekk vorið 2003 var tekin í samráði við Námsmatsstofnun sem sér um framkvæmd prófanna. Í ljósi athugasemda sem borist hafa ráðuneytinu vegna þeirrar ákvörðunar og umfjöllunar í samráðsnefnd menntamálaráðuneytisins, Sambands íslenskra sveitarfélaga og samtaka kennara og skólastjóra hefur ráðuneytið ákveðið að í stað náttúrufræði verði stærðfræði síðasta prófið vorið 2003 en náttúrufræði verði á þeim degi sem áður var ætlaður stærðfræði. Engar aðrar breytingar verða á röð eða tímasetningu prófanna.

Prófgreinar og prófdagar í 10. bekk grunnskóla vorið 2003 verða sem hér segir:

Íslenska	föstudagur	2. maí	kl. 9.00-12.00
Náttúrufræði	mánudagur	5. maí	kl. 9.00-12.00
Enska	þriðjudagur	6. maí	kl. 9.00-12.00
Samfélagsgreinar	fimmtudagur	8. maí	kl. 9.00-12.00
Danska	föstudagur	9. maí	kl. 9.00-12.00
Stærðfræði	mánudagur	12. maí	kl. 9.00-12.00

(Desember 2002)