Kynning á nýrri námskrá fyrir hjúkrunar- og móttökuritara
Kynning á nýrri námskrá fyrir hjúkrunar- og móttökuritara á vef menntamálaráðuneytisins
Til þeirra er málið varðar.
Menntamálaráðuneytið hefur birt drög að nýrri námskrá fyrir hjúkrunar- og móttökuritara á vef sínum, menntamalaraduneyti.is
Um er að ræða nýtt nám fyrir starfsfólk í heilbrigðisþjónustu sem annast móttöku sjúklinga, ýmiss konar skráningu gagna og almenn skrifstofustörf. Námið er 71 eining og skiptist í þriggja anna bóklegt nám, samtals 49 einingar, og 24 vikna starfsþjálfun á heilbrigðisstofnunum sem metin er til 24 eininga.
Námskrárdrögin verða til kynningar á framangreindu vefsvæði næstu fjórar vikurnar eða til 3. febrúar 2003. Á þeim tíma gefst hagsmunaaðilum og almenningi kostur á að senda inn athugasemdir og ábendingar um námskrána í heild, eða einstaka þætti hennar, til menntamálaráðuneytisins, Sölvhólsgötu 4, 150 Reykjavík. Einnig er hægt að senda athugasemdir á netfangið [email protected]
Að loknu umsagnarferlinu mun ráðuneytið gera þær lagfæringar á námskránni sem nauðsynlegar teljast, staðfesta hana og senda auglýsingu um gildistöku hennar til birtingar í Stjórnartíðindum. Námskráin verður að því loknu birt á námskrárvef ráðuneytisins.
Farið er fram á að efni þessa bréfs sé kynnt fyrir þeim sem það á erindi til.
(Janúar 2003)