Nýr framkvæmdastjóri Nýsköpunarsjóðs atvinnulífsins.

Stjórn Nýsköpunarsjóðs atvinnulífsins samþykkti á fundi sínum þann 3. febrúar s.l. að ráða Gunnar Örn Gunnarsson, vélaverkfræðing, sem framkvæmdastjóra sjóðsins í stað Úlfars Steindórssonar sem nýlega sagði starfi sínu lausu.

Gunnar Örn sem er 45 ára, var settur í stöðu skrifstofustjóra á skrifstofu byggðamála í iðnaðarráðuneytinu frá 1. janúar s.l. til eins árs. Hann hefur á undanförnum árum unnið við framleiðslu og fyrirtækjastjórnun meðal annars hjá Íslenska álfélaginu, Marel og Kísiliðjunni við Mývatn.
Gunnar Örn Hann lauk vélaverkfræðiprófi í Háskóla Íslands 1982 og mastersprófi í DTH í Kaupmannahöfn 1984.

Alls bárust 37 umsóknir um starfið en umsóknafrestur var til 28. janúar s.l.. Gunnar Örn mun hefja störf sem framkvæmdastjóri sjóðsins þann 1. mars 2003.

Sjá nánar.