Nr. 2/2003 - Blaðamannafundur með landbúnaðarráðherra í Melabúðinni
Fréttatilkynning frá landbúnaðarráðuneytinu nr. 02/2003
Blaðamannafundur með landbúnaðarráðherra
í Melabúðinni, Hagamel 39
í Melabúðinni, Hagamel 39
Guðni Ágústsson landbúnaðarráðherra tjáir sig um verðlækkanir á grænmeti og ávöxtum.
Verð á algengu grænmeti hefur lækkað um 30 – 60% á einu ári. Landbúnaðarráðherra hélt fréttamannafund í þessari sömu verslun fyrir um ári. Þá boðaði Guðni Ágústsson lækkun á háu grænmetisverði í kjölfar afnáms tolla og aðlögunarsamnings við garðyrkjubændur. Nú hafa áhrifin komið í ljós. Ráðherra mun fara yfir könnun Samkeppnisstofnunar, þar sem mælast miklar verðlækkanir á grænmeti í kjölfar þess að ráðherra felldi niður tolla af grænmeti. Þessar aðgerðir ráðherra leiddu fleira af sér til hagsbóta fyrir neytendur. Verðlækkun á ávöxtum eru dæmi um góð "jaðaráhrif" í þessu samhengi, því staðreyndin er sú að þó að ávextir hafi ekki borið tolla þá hefur verð á þeim lækkað um allt að 29%.
Það var í þessari sömu búð sem landbúnaðarráðherra tilkynnti um áhrif aðgerða á þessu sviði. Nú eru áhrifin komin í ljós. Í tilefni þessa býður landbúnaðarráðherra til blaðamannafundar í Melabúðinni til að fara yfir árangurinn. Fulltrúa frá ykkur er hér með boðið að mæta í verslunina klukkan 14:00 í dag 19. febrúar.
Frekari upplýsingar í síma 545 9750.
Landbúnaðarráðuneytinu,
19. febrúar 2003
19. febrúar 2003