Handbók stjórnarráðsins um EES
Nr. 013
FRÉTTATILKYNNING
frá utanríkisráðuneytinu
frá utanríkisráðuneytinu
Út er komin handbók Stjórnarráðsins um EES. Handbókinni er ætlað að vera hentugt upplýsingarit fyrir þá sem starfa með einhverjum hætti að EES-málum. Þar er m.a. lýst verklagi við upptöku gerða Evrópusambandsins í EES-samninginn og innleiðingu þeirra en frá því að samningurinn öðlaðist gildi hafa mótast ýmsar reglur, bæði lagareglur og verklagsreglur um hvernig það skuli gert. Með handbókinni er bætt úr brýnni þörf en upplýsingar sem þar er að finna hafa ekki verið aðgengilegar á einum stað áður.
Utanríkisráðuneytið gefur bókina út og er hún seld í afgreiðslu ráðuneytisins og Bóksölu stúdenta. Bókin kostar 1500 krónur.
Utanríkisráðuneytið
Reykjavík, 20.02.2003
