Nýr dóms- og kirkjumálaráðherra
Nýr dóms- og kirkjumálaráðherra
Í dag tók Björn Bjarnason við embætti dóms- og kirkjumálaráðherra af Sólveigu Pétursdóttur. Um eftirmiðdaginn bauð starfsfólk ráðuneytisins hann velkominn og kvaddi um leið Sólveigu Pétursdóttur. Sóveig þakkaði starfsfólki ráðuneytisins kærlega samstarfið undanfarin ár og Stefán Eiríksson staðgengill ráðuneytisstjóra þakkaði Sólveigu í stuttri tölu fyrir gott samstarf á liðnum árum. Þá sagði nýr dóms- og kirkjumálaráðherra nokkur orð og minntist fyrri tíma þegar faðir hans var dóms- og kirkjumálaráðherra. Stefán Eiríksson færði loks fyrrverandi ráðherra, Ingva Hrafni Óskarssyni aðstoðarmanni hennar og nýjum ráðherra blómvendi í tilefni dagsins.