Aðstoðarmaður félagsmálaráðherra

Sigurjón Örn Þórsson hefur verið ráðinn aðstoðarmaður félagsmálaráðherra. Sigurjón Örn er kvæntur Laufeyju Bjarnadóttur, ferðamálafræðingi, og eiga þau tvö börn. Sigurjón lauk verslunarskólaprófi frá Verzlunarskóla Íslands árið 1985 og hélt þá til Bandríkjanna þar sem hann var skiptinemi til og með 1986. Hann lauk stúdentsprófi frá Fjölbrautaskólanum í Breiðholti árið 1988 og BA prófi í stjórmálafræði frá Háskóla Íslands árið 1993. Á árunum 1994 til 2002 var Sigurjón framkvæmdastjóri og hluthafi í Háess ehf. og síðan kosningastjóri Framsóknarflokksins í suðvesturkjördæmi fyrir síðustu alþingiskosningar.