Nýr formaður Iceland Naturally skipaður

Nýlega var haldinn árlegur fundur Iceland Naturally þar sem tilkynnt var að samgönguráðherra hefði skipað Thomas Möller formann verkefnisins og Ársæl Harðarson sem meðstjórnanda.

Fráfarandi formaður er Ómar Benediktsson, forstjóri Íslandsflugs og hefur hann gegnt því starfi frá upphafi. Ekki urðu aðrar breytingar á stjórninni. Pétur Þ. Óskarsson tekur við sem annar af framkvæmdastjórum Iceland Naturally þann 1. ágúst nk. þegar Magnús Bjarnason, starfandi aðalræðismaður í New York og viðskiptafulltrúi hverfur til nýrra starfa í utanríkisþjónustunni. Magnús hefur ásamt Einari Gústavssyni verið framkvæmdastjóri frá því verkefnið hófst árið 1999.