Framlög 2003
Heildarúthlutun útgjaldajöfnunarframlaga fyrir árið 2003
Ráðgjafarnefnd Jöfnunarsjóðs sveitarfélaga hefur samþykkt endanlegan útreikning útgjaldajöfnunarframlaga fyrir árið 2003, á grundvelli 13. gr. reglugerðar um Jöfnunarsjóð sveitarfélaga nr. 113/2003. Heildarfjárhæð til úthlutunar er 1.900 m.kr. Hér að neðan má finna endanlegan útreikning framlaganna og uppgjör þeirra í árslok.
Endanleg útgjaldajöfnunarframlög 2003
Tekjujöfnunarframlög 2003
Á fundi ráðgjafarnefndar Jöfnunarsjóðs sveitarfélaga 24. september sl. samþykkti nefndin tillögu að úthlutun tekjujöfnunarframlaga til sveitarfélaga fyrir árið 2003, á grundvelli 12. gr. reglugerðar um Jöfnunarsjóð sveitarfélaga nr. 113/2003.
Tillagan var gerð á grundvelli bráðabirgðatalna um íbúafjölda í sveitarfélögum 1. desember 2002, sbr. upplýsingar frá Hagstofu Íslands, þar sem endanlegar íbúatölur vegna ársins 2002 lágu ekki fyrir.
Ráðgjafarnefndin hefur nú samþykkt endurskoðaða útreikninga framlaganna á grundvelli endanlegra íbúatalna ársins 2002, samtals að upphæð 765.316.958 kr. Hér að neðan má finna yfirlit yfir endanlegan útreikning tekjujöfnunarframlaga árið 2003 ásamt þeirri innborgun sem fram fór 30. október sl. og uppgjörsgreiðslu þann 29. desember sl.Tekjujöfnunarframlög 2003
Ráðstöfun 400 m.kr. aukaframlags í Jöfnunarsjóð sveitarfélaga á árinu 2003
Eins og greint hefur verið frá á heimasíðu Jöfnunarsjóðs sveitarfélaga hefur félagsmálaráðherra í samráði við Samband íslenskra sveitarfélaga sett reglur um ráðstöfun 400 m.kr. aukaframlags til sjóðsins á árinu 2003.
Reglurnar eru með eftirfarandi hætti:
- 250 m.kr. er varið til útgjaldajöfnunarframlaga til sveitarfélaga á grundvelli 13. reglugerðar um Jöfnunarsjóð sveitarfélaga, nr. 113/2003.
- 150 m.kr. er varið til sveitarfélaga þar sem íbúum fækkaði á árunum 2001-2003. Við úthlutunina skal byggja á upplýsingum frá Hagstofu Íslands um endanlegan íbúafjölda 1. desember 2000, 2001 og 2002 og bráðabirgðatölur 1. desember 2003. Einungis kemur til úthlutunar framlags samkvæmt þessari grein ef fækkun í sveitarfélagi hefur verið umfram þrjá íbúa á tímabilinu.
Úthlutun framlaganna liggur nú fyrir á grundvelli ofangreindra reglna og skiptist með eftirfarandi hætti.Ráðstöfun 400 m.kr. aukaframlags