Humarveiðar

Fréttatilkynning

Ráðuneytið hefur í dag að fengnum tillögum samstarfsnefndar um bætta umgengni um auðlindir sjávar gefið út reglugerð, um humarveiðar. Reglugerðin kemur í stað reglugerðar nr. 278, 26. mars 2002, um humarveiðar.

Meginbreytingar frá eldri reglugerðinni felast í því að humarveiðar eru bundnar við átta aðgreind svæði og ná svæðin yfir öll þekkt humarmið. Nefndin hefur farið ítarlega yfir þetta mál og hefur það verið kynnt á vettvangi útvegsmanna og sjómanna. Nokkrar tillögur um breytingar á svæðaskiptingunni bárust nefndinni við umfjöllun málsins og varð nefndin við þeim, og leiddi það til stækkunar svæðanna.

Hjálagt fylgir afrit af reglugerðinni.

Sjávarútvegsráðuneytið

8. mars 2004.