Ný hæfingarstöð fyrir fatlaða

Í dag opnaði félagsmálaráðherra nýja hæfingarstöð fyrir fatlaða við Dalveg 18 í Kópavogi.

Á Hæfingarstöðinni eru fimm þjálfunarrými og tvö rými fyrir einstaklingsþjálfun þar sem 37 einstaklingar fá þjónustu daglega. Á Hæfingarstöðinni verður boðið upp á fjölbreytta hæfingu og starfsþjálfun sem byggist á einstaklingsmiðaðri nálgun/þjónustu. Hæfingarstöðinni er sérstaklega ætlað að koma til móts við þarfir fatlaðra fyrir dagþjónustu, vinnu og hæfingu sem flutt hafa af Kópavogsbraut 5, en einnig fá einstaklingar af biðlista tilboð um þjónustu.

Svæðisskrifstofa um málefni fatlaðra á Reykjanesi mun hafa veg og vanda af rekstri stöðvarinnar. Húsnæðið er um 580 m² að stærð. Forstöðumaður Hæfingarstöðvarinnar við Dalveg heitir Sólveig Ingibergsdóttir.

Félagsmálaráðuneytið fagnar því að enn er nýjum áfanga náð í bættri þjónustu við fatlaða á höfuðborgarsvæðinu.

Myndir frá opnuninni: