Íslandsdagar í Frakklandi - kynningarfundur

Menntamálaráðherra, Þorgerður Katrín Gunnarsdóttir, boðar til kynningarfundar fyrir fjölmiðla, mánudaginn 7. júní kl. 14.00 í Þjóðmenningarhúsi. Kynntir verða Íslandsdagar í Frakklandi á hausti komanda. Um er að ræða einhverja umfangsmestu kynningu á Íslandi, íslenskri menningu, vísindum og athafnalífi, sem efnt hefur verið til. Sýningin hefst 27. september nk. í París.