Forsætisráðherra tekur þátt í fundi Academy of Achievement

Davíð Oddsson, forsætisráðherra, tekur laugardaginn 12. júní við viðurkenningu bandarísku félagasamtakanna, Academy of Achievement.

Markmið samtakanna er meðal annars að leiða saman annarsvegar háskólanema frá fjölmörgum löndum og hins vegar stjórnmálamenn, kaupsýslumenn, listamenn, vísindamenn, íþróttafólk og fleiri á árlegum fundi. Hann verður í ár haldinn í Chicago í Bandaríkjunum dagana 10.-13. júní.

Að þessu sinni veita samtökin rúmlega 30 stjórnmálamönnum, listamönnum, vísindamönnum og fleiri viðurkenningu. Meðfylgjandi er listi yfir verðlaunahafana og listi yfir fyrrum verðlaunahafa, sem taka þátt í fundinum í Chicago. Meðan á honum stendur mun forsætisráðherra taka þátt í hringborðsumræðu um orkumál.

Nánari upplýsingar um samtökin Academy of Achievement má fá á vefsíðunni http://www.achievement.org/autodoc/pagegen/brochure/p2.html.

Mánudaginn 14. júní flytur forsætisráðherra erindi í boði American Enterprise Institute í Washington um íslensk efnahagsmál og um alþjóðamál og íslenska utanríkisstefnu.

Í Reykjavík, 10. júní 2004.