Umhverfisráðherra á fundum um stækkun Skaftafellsþjóðgarðs

Ákvörðun um stækkun þjóðgarðsins í Skaftafelli var tilkynnt við hátíðlega athöfn í Skaftafelli þann 12. september sl. Umhverfisráðherra, Sigríður Anna Þórðardóttir og samstarfsfólk í ráðuneytinu boða til kynningar- og samráðsfunda með heimamönnum í sveitarfélaginu Hornafirði og á Kirkjubæjarklaustri af því tilefni. Á fundunum verða kynnt drög að nýrri reglugerð fyrir stækkaðan Skaftafellsþjóðgarð. Fundirnir eru öllum opnir og verða haldnir sem hér segir:

Fimmtudaginn 7. október kl. 20:30 að Hrollaugsstöðum
Föstudaginn 8. október kl. 12:00 á Hótel Höfn
Föstudaginn 8. október kl. 17:00 á Kirkjubæjarklaustri

Allir velkomnir og vonast er eftir að heimamenn sem láta sig málið varða mæti til að koma sjónarmiðum sínum á framfæri.