Úthlutun aflaheimilda til tilrauna í áframeldi á þorski

Þetta er í fjórða sinn sem úthlutað er. 14 fyrirtæki sóttu um kvóta að þessu sinni, og sóttu þau um 790 tonn, en til ráðstöfunar eru 500 tonn, sem 11 fyrirtæki fengu að þessu sinni til þess að vinna með í sínum verkefnum.

Eftirtalin fyrirtæki hafa fengið úthlutun á fiskveiðiárinu 2004/2005:

Með úthlutun á árlegum 500 tonna þorskeldiskvóta hefur átt sér stað mikil aukning í áframeldi á þorski. Litið er á áframeldi á villtum þorski í sjókvíum sem skammtímalausn þar sem það mun ekki keppa við eldi með kynbættum eldisþorski í framtíðinni. Úthlutun á aflaheimildum til áframeldis á þorski er mikilvæg við þróun sjókvíaeldis á Íslandi.

Frá því að fyrst var farið að úthluta 500 tonna aflaheimildum ár hvert, hefur átt sér stað mikil þekkingaruppbygging. Fyrirtækin hafa miðlað á milli sín reynslu og lögð hefur verið áhersla á að varðveita þá þekkingu sem hefur aflast. Þau fyrirtæki sem fá úthlutað aflaheimildum þurfa að skila greinagerð um árangur af föngun og eldi síðasta árs til AVS rannsóknasjóðsins. Kvóta er síðan úthlutað eftir því hve vel hefur tekist til við að auka við þyngd fisksins í eldinu, einnig er lagt mat á innihald og gæði greinagerðar um föngun, eldi, vinnslu, markaðs-setningu og frammistöðu fyrirtækisins í rannsókna- og þróunarverkefnum.

Þorskeldiskvótinn hefur m.a. verið nýttur:

• Til að þróa aðferðir við föngun á lifandi þorski
• Til hönnunar og þróunar á veiði- og eldisbúnaði
• Til þróunar á aðferðum við eldi, svo sem fóðrun og fóðurgerð
• Til að þróa aðferðir við slátrun og vinnslu á áframeldisþorski