Heimsókn frá Kanada

Neil Bardal, fyrrverandi aðalræðismaður Íslands í Winnipeg í Kanada, er nú staddur hér á landi í boði Halldórs Ásgrímssonar, forsætisráðherra. Neil og David Gíslason, einn forsvarsmanna vestur Íslendinga, hafa undanfarna daga átt fjölmarga fundi hér og í dag hittu þeir forsætisráðherra í hádegisverði í Ráðherrabústaðnum við Tjarnargötu.

Auk þeirra þriggja sátu fundinn fulltrúar frá forsætisráðuneytinu, utanríkisráðuneytinu, Vesturfarasetrinu og Þjóðræknisfélagsins.  Neil Bardal og David Gíslason halda svo af landi brott eftir helgi.

Á mynd sem tekin var við þetta tækifæri má sjá frá vinstri:
Pétur Ásgeirsson frá utanríkisráðuneytinu, Illugi Gunnarsson, aðstoðarmaður utanríkisráðherra, Björn Ingi Hrafnsson, aðstoðarmaður forsætisráðherra, David Gíslason, Halldór Ásgrímsson, forsætisráðherra,  Bolli Þór Bollason, ráðuneytisstjóri í forsætisráðuneytinu, Neil Bardal, Almar Grímsson, formaður Þjóðræknisfélagsins, Valgeir Þorvaldsson, forstöðumaður Vesturfarasetursins á Hofsósi, Steingrímur S. Ólafsson, upplýsingafulltrúi forsætisráðuneytisins, Halldór Árnason, skrifstofustjóri í forsætisráðuneytinu

                                                                                                              Í Reykjavík, 18. febrúar 2005.