Þorkeli Helgasyni orkumálastjóra veitt tímabundið leyfi frá starfi.

Nr. 9/2005
Fréttatilkynning

Þorkeli Helgasyni orkumálastjóra veitt tímabundið leyfi frá starfi.
Ragnheiður Inga Þórarinsdóttir, verkfræðingur sett í hans stað.

Þorkell Helgason, orkumálastjóri hefur af persónulegum ástæðum óskað eftir leyfi frá starfi sínu um tveggja mánaða skeið og hefur iðnaðar- og viðskiptaráðherra orðið við þeirri ósk.

Ráðherra hefur í dag sett Ragnheiði Ingu Þórarinsdóttur í embætti orkumálastjóra umrætt tímabil.

Ragnheiður hefur doktorsgráðu í verkfræði frá Danska Tæknisháskólanum og MBA frá Háskóla Íslands. Hún hefur áður starfað sem deildarstjóri hjá Rannsóknastofnun byggingariðnaðarins og sérfræðingur hjá Iðntæknistofnun Íslands. Ragnheiður hefur undanfarið gegnt stöðu deildarstjóra orkudeildar á orkumálasviði stofnunarinnar.


Reykjavík, 18. apríl 2005