Atkvæðagreiðsla um sameiningu sveitarfélaga fer fram nk. laugardag

Eins og kunnugt er verða greidd atkvæði nk. laugardag, 23. apríl, um sameiningu sveitarfélaganna Borgarbyggðar, Borgarfjarðarsveitar, Hvítársíðuhrepps, Kolbeinsstaðahrepps og Skorradalshrepps.

Þeim kjósendum sem ekki verða heima á kjördag er bent á að unnt er að greiða atkvæði utan kjörfundar hjá sýslumönnum um land allt fram að kjördegi.
Kjósendur sem eru hlynntir sameiningu skrifa eða stimpla „já” á kjörseðil en þeir sem eru andvígir sameiningu skrifa eða stimpla „nei”.

Nánari upplýsingar um sameiningu ofangreindra sveitarfélaga má finna á vefsíðunni www.sameining.is