Skipun nefndar um heildarendurskoðun á lögum nr. 136/1997 um háskóla

Menntamálaráðherra hefur skipað nefnd um heildarendurskoðun á lögum nr. 136/1997 um háskóla. Nefndinni er falið að gera tillögur um breytingar á gildandi háskólalögum, ásamt gildandi sérlögum um ríkisháskóla eftir því sem ástæða þykir til. Skal nefndin taka mið af þeirri þróun og breytingum sem átt hafa sér stað undanfarin ár á umhverfi háskólastarfs, kennslu og rannsóknum hér á landi og í öðrum OECD ríkjum. Tillögur nefndarinnar skulu vera til þess fallnar að efla íslenskt menntakerfi og gæði háskólamenntunar á Íslandi.

Í nefndinni eiga sæti:

Guðmundur Árnason, ráðuneytisstjóri menntamálaráðuneytis, formaður nefndarinnar
Hanna Katrín Friðriksdóttir, ráðgjafi
Inga Jóna Þórðardóttir, viðskiptafræðingur
Jón Sigurðsson, seðlabankastjóri
Stefanía Karlsdóttir, rektor Tækniháskóla Íslands
Sveinbjörn Björnsson, fyrrv. rektor Háskóla Íslands
Stefán Stefánsson, deildarstjóri í menntamálaráðuneyti er starfsmaður nefndarinnar.

Nefndin mun skila tillögum sínum í nóvember á þessu ári.