Skipun í embætti talsmanns neytenda.

Iðnaðar- og viðskiptaráðuneyti

Nr. 18/2005

Viðskiptaráðherra hefur skipað Gísla Tryggvason í embætti talsmanns neytenda frá 1. júlí n.k. til fimm ára sbr. lög um Neytendastofu og talsmann neytenda nr. 62/2005. Gísli Tryggvason er fæddur 24. ágúst árið 1969. Hann lauk embættisprófi í lögum frá Háskóla Íslands 1997 og hefur einnig lokið meistaraprófi í viðskiptafræðum og stjórnun frá Háskólanum í Reykjavík með MBA-gráðu árið 2004. Frá árinu 1998 hefur Gísli verið framkvæmdastjóri Bandalags háskólamanna og sjóða á vegum samtakanna auk þess að vera lögmaður þeirra frá sama tíma.

Eiginkona Gísla er Brynja Daníelsdóttir hjúkrunarfræðingur og sjúkranuddari og eiga þau þrjú börn.

Alls sóttu tólf manns um embætti talsmanns neytenda.

Reykjavík 1. júlí 2005.