Lögfræðingur

Laus er til umsóknar staða lögfræðings hjá sveitarstjórnarskrifstofu félagsmálaráðuneytisins. Meðal verkefna lögfræðingsins er að starfa fyrir tvær kærunefndir og sinna öðrum verkefnum er varða sveitarstjórnarmál og húsnæðismál.

Menntun og reynsla: Háskólapróf í lögfræði. Almenn færni í ensku og a.m.k. einu Norðurlandamáli. Góð almenn tölvukunnátta er nauðsynleg og æskileg reynsla af notkun á Lotus Notes. Einnig er æskileg reynsla af störfum í Stjórnarráðinu eða hjá öðrum opinberum aðilum.

Eiginleikar: Leitað er að einstaklingi sem er nákvæmur, býr yfir aðlögunarhæfni og hæfni í mannlegum samskiptum, samviskusemi og þolinmæði og er skipulagður og sjálfstæður í vinnubrögðum.

Miðað er við að ráða í stöðuna frá 15. september 2005.

Um kjör fer samkvæmt kjarasamningum fjármálaráðherra og Félags háskólamenntaðra starfsmanna Stjórnarráðsins. Ráðning miðast við fullt starf.

Nánari upplýsingar veitir Guðjón Bragason, skrifstofustjóri sveitarstjórnarskrifstofu, í síma 545 8100, eða netfangi: [email protected]

Skriflegar umsóknir með upplýsingum um menntun og fyrri störf ásamt meðmælum berist félagsmálaráðuneytinu, Hafnarhúsinu v/Tryggvagötu, 150 Reykjavík, eigi síðar en 30. ágúst 2005. Öllum umsóknum verður svarað þegar ákvörðun um ráðningu hefur verið tekin.

Vakin er athygli á því að starfið stendur opið jafnt konum og körlum. Félagsmálaráðuneytið er áhugaverður vinnustaður þar sem starfsfólk vinnur að fjölbreyttum verkefnum m.a. á sviði jafnréttis-, vinnumarkaðs- og vinnuverndarmála, fjölskyldumála og málefna fatlaðra auk sveitarstjórnar- og húsnæðismála. Alþjóðasamskipti og samskipti innan stjórnsýslunnar við önnur ráðuneyti og stofnanir og samráð við hagsmunasamtök er viðamikill þáttur í daglegu starfi á öllum sviðum. Félagsmálaráðuneytið leggur áherslu á að veita almenningi góða þjónustu og að nýta upplýsingatæknina í því skyni. Nánari upplýsingar um ráðuneytið og starfsemi þess má finna á heimasíðu ráðuneytisins (www.felagsmalaraduneyti.is).

Reykjavík, 9. ágúst 2005

Félagsmálaráðuneytið
Hafnarhúsinu v/Tryggvagötu
150 Reykjavík